სოციალური პროექტი ,,შემოდგომის ერთი დღე ბუნებაში"

პროექტი ”შემოდგომის ერთი დღე ბუნებაში” - 2 კლასი

პრობლემის განსაზღვრა

ბუნების გაკვეთილზე მიღებული ცოდნა, გამოცდილება და უნარ-ჩვევები მოსწავლეებს ეხმარება სამყაროს მთლიანობის აღქმაში. შესაბამისად, მნიშვნელოვანია, მათ შეძლონ სხვადასხვა დისციპლინაში (ქართული ენა  და ლიტერატურა, მათემატიკა, სახვითი და გამოყენებითი ხელოვნება) მიღებული ცოდნის ერთმანეთთან დაკავშირება და პრაქტიკულად გამოყენება.

მიზანი

·         გარემომცველი სამყაროს შეცნობა;

·         ბუნებრივი პოზიტიური დამოკიდებულებების განვითარება;

·         დაკვირვების, აღწერის, აღრიცხვის, კლასიფიკაციის, კომუნიკაციის, მონაცემთა ორგანიზების უნარის განვითარება;

·         საკუთარი დამოკიდებულების წერილობითი გადმოცემისა და შემოქმედებითი უნარის განვითარება;

·         თვითშეფასების უნარის განვითარება;

·         პრეზენტაციის უნარის განვითარება.

  

პროექტის ფარგლებში განსახორციელებელი საქმიანობები

1) მოსამზადებელი ეტაპი ამოცანები:

·         მოსწავლეებისათვის პროექტის მიზნის გაცნობა;

·         შესაბამისი დავალებების მიცემა;

·         ფუნქციების განაწილება ჯგუფებს შორის;

·         საორგანიზაციო საკითხების მოგვარება ( რესურსები და სხვ.).

·          

მასწავლებელი წინასწარ აცნობს მოსწავლეებს ინფორმაციას სოფლის ბუნების შესახებ,

2) ექსკურსია სოფლის მიმდებარე ტერიტორიებზე.

·         დასაკვირვებელი  მასალის (სხვადასხვა მცენარის  ფოთლების, გირჩების) შეგროვება;

·         დაკვირვების წარმოება და შედეგების ჩაწერა;

·         გეოგრაფიული ობიექტების დასახელება და მათი ურთიერთმდებარეობის განსაზღვრა;

·         მდინარის დინების მიმართულების განსაზღვრა;

·         მდინარის მარჯვენა და მარცხენა სანაპიროების განსაზღვრა;

·         ფოტოსურათების გადაღება.

·         სახლიდან შემოდგომის მოსავლის მოტანა( ყურძენი,ხურმა ,სიმინდი, მანდარინი და ა.შ)

3)  შეგროვებული მასალის გაკვეთილებზე დამუშავება, დახარისხება. ამოცანები:

·         შემოდგოს კუთხის მოწყობა. 

·         თემაზე “შემოდგომა”, შთაბეჭდილებებისა და ბუნებისადმი საკუთარი დამოკიდებულების ზეპირი გადმოცემა;

·         შეგროვებული ფოთლების, გირჩების  და სხვა მასალისაგან ჰერბარიუმის მომზადება.

ნახატებისა და აპლიკაციების, კოლაჟების დამზადება შეგროვებული მასალის გამოყენებით.

  

4) პროექტის შედეგების პრეზენტაცია ამოცანები:

·         გამოფენა, ნამუშევრების წარდგენა;

·         ჩატარებული სამუშაოს ანგარიში.  

რესურსები

ერთჯერადი ხელთათმანები, ყუთები, თაბახის ფურცლები, ფერადი ფანქრები, წებო,  ფორმატები, ფოტოაპარატი.

  

პროექტის სამუშაო გეგმა და განხორციელების ვადები: 18.11. 2019წ-22.11.2019წ

მოსალოდნელი შედეგები

მოსწავლეები უკეთ შეიცნობენ და აღიქვამენ გარესამყაროს, განუვითარდებათ კვლევის, შემოქმედებითი, თვითშეფასების, კომუნიკაციისა და თანამშრომლობის უნარ-ჩვევები. შეძლებენ ახალი ცოდნის შეძენას  და ნასწავლის პრაქტიკულ გამოყენებას. ყოველივე ეს შექმნის დადებით სასწავლო მოტივაციას და გააუმჯობესებს სწავლა-სწავლების ხარისხს.

 მონიტორინგი: მოსწავლეები შეფასდებიან განმავითარებელი  პოზიტიური სიტყვიერი კომენტარის სახით, წერილობითი კომენტარით და ასევე იწარმოებს დაკვირვების ფურცელი.